பப்பரபப்பே என பல் இளிக்கும் சென்னை சாலைகள்...

சென்னையின் உள்கட்டமைப்பை இப்போது யாராவது ஒரு வெளிநாட்டவர் வந்து பார்த்து இருந்தால் தூ என்று காரி துப்பி இருப்பார்.... அந்தளவுக்கு படு கேவலமாக இருக்கின்றது....

எல்லா இடத்திலும் தோண்டி வைத்து அதில் ஒப்புக்கு ஒரு காண்டிராக்டர் மண் போட்டு முடி வைக்க.... அந்த இடங்கள் எல்லாம் மழையில் சென்னைவாசிகளுக்கு மரணக்குழிகளாயின...

எவன் சொன்னான் என்று தெரியவில்லை சென்னையில் தங்கம் கிடைக்கின்றது என்று எப்போது பார்த்தாலும் தொண்டி எழவெடுத்துக்கொண்டே இருக்கின்றார்கள்...

மழையால் சேதமாகிவிட்ட சாலைகள் என்று சொல்கின்றார்கள்... அப்படி சொல்ல வெட்கமாக இல்லை... ஒரு மூன்றுநாள் மழைக்கு சாலைகள் சேதமாகிவிடுமா?... அப்போது இதற்கு முன் சாலைகள் ஒழுங்காக இருந்தனவா?... அதற்கு முன்னும் அதே லட்சனம்தான்... இப்போது மழையால் இன்னும் கொடுமை...

இரண்டு சக்கரவாகனத்தில் பயணிக்கும் போது எந்த இடத்தில் பள்ளம் இருக்குமோ? என்று வாகனம் ஓட்டி செல்கையில் ஒரு வீத பீதியுடன்தான் செல்ல வேண்டும்....


வளசரவாக்கம் கேசவர்த்தினி பஸ் நிறுத்தம் அருகே... நடு ரோட்டில் ஒரு பெரிய பள்ளம்... வாகனத்தில் வேகமாக தண்ணீரை கிழித்து வந்தவர்கள் எல்லாம்...ஓ பன்னீர் செல்வம் போல் பொட்டிபாம்பாய் மாறி போனது பார்க்க கண் கொள்ளா காட்சிகள்.. அதே வேகத்துடன் வந்து மட்டென்று சத்தம் கேட்டு நிலை தடுமாறி முகம் வெளிறி மரணபயத்துடன் பல பொதுஜனங்கள், அந்த இடம் விட்டு நகர்ந்தார்கள்...

அது எப்படித்தான் சாலைக்கு நடுலே எரிக்கல் விழுந்தது போல் குழி விழும் என்று தெரியவில்லை...முதலில் சின்னதாக உருவாகும் பள்ளம் அதன் பிறகு இரண்டாம் நாள் மழைக்கு அரை அடி பள்ளத்திற்க்கு மாறிப்போனது...

வேளச்சேரியில் இருந்து தரமனி செல்லும் சாலை.. அப்படி ஒரு மோசம் எப்படித்தான் இந்த ஐடி வாலாலக்கள் அதில் காரிலும் பைக்கிலும் சென்று வருகின்றார்களோ? தெரியவில்லை

ரொம்பவும் கொடுமையானவர்கள்.. மவுன்ட் ரயில்வே ஸ்டேசனில் இருந்து வாணுவம்பேட்டை வழியாக, மடிப்பாக்கம், கீ்ழ் கட்டளை செல்பவர்கள்தான்... எவனாவது அரசாங்கத்தில் இருந்து வந்து மழையால் சாலை பழுதடைந்தது என்று சொன்னால் அவனை ஏறி மிதித்து விடுங்கள்...

ஏனென்னறால் மழையினால் மட்டும் அந்த சாலைகள் பழுதடையவில்லை... கடந்த பல வருடங்களாக அந்த சாலைகள் அப்படியேதான் இருக்கின்றது....

சரி மழையில ரோடு வீணாயிடுச்சி... நாங்க என்ன பண்ண முடியம் என்று நெடு்ஞ்சலைதுறை ஊழியர்கள் கேட்ககின்றார்களா?.. நியாயமான கேள்விதான்... ஆனால் பள்ளம் இங்கே இருக்கின்றது என்று அறி்விக்க எந்த இடத்திலும் அறிவிப்பு பலகை சென்னை மற்றும் தமிழகத்தில் எங்கும் இல்லையே... அப்ப நீங்க எல்லாம் எங்க போயிடறிங்க... மாதா கோயில்ல மணி ஆட்டவா?... வெயில்லதான் வேலை செய்வோம்.. மழையில நாங்க வேலை செய்யமா கையில புடிச்சிகிட்டு... அதான் செல்போனை நிப்போம்ன்னு சொன்னா என்ன அர்த்தம்?...

ஒரு சாலையில் பள்ளம் இருக்கின்றது என்று பொதுமக்களுக்கு அறிவிப்பு செய்வது நெடுஞ்சலைதுறையின் வேலை... ஆனால் தமிழகத்தை பொறுத்த மட்டில்... பொதுமக்கள் அந்த பள்ளத்தில் விழுந்து எழுந்து பக்கத்தில் எதாவது ஒரு மரத்தின் கிளையை ஒடித்து அதில் நட்டு வைத்து விட்டு இனி வரும் வாகன ஓட்டிகளுக்கு அறிவிப்பு செய்து விட்டு செல்வார்கள்... “எச்சரிக்கை இங்கே பெரிய பள்ளம் இருக்கின்றது” என்று... அந்த மரக்கிளைகள் உணர்த்தும்...


இந்த மழையில் சென்னை முழுவதும் சாலைகளின் நடுவே மரம் நடு விழாவை பொது மக்களே செய்தார்கள்.... என்ன வழக்கமாக சாலை ஓரத்தில் மரம் நடுவார்கள்..இப்போது ரோட்டுக்கு நடுவே....என்ன ஒரு கொடுமை என்றால் மரம் நட்டு தண்ணீர் ஊற்ற வில்லை... அதான் ஊரே தண்ணியில மெதக்குதே...


மழைன்னா சட்டென ஆட்கள் கோதாவில் இறங்க வேண்டும்... பள்ளம் உள்ள இடத்தில் அறிவிப்பு பலகைகள் வைத்து பொது மக்களை எச்சரிக்க வேண்டும்... அந்த பழக்கமே நம்மிடத்தில் இல்லை,...

எங்கள் ஊர் கடலூரில் இன்னும் கூட சாலைகள் சரிசெய்யபடவில்லை.... என் கல்யாணத்துக்கு வந்தவர்கள்... என் ஊர் சாலை லட்சனத்தை பார்த்து முகம் சுளித்து விட்டு போனார்கள்.. திருமணம் முடிந்து ஒரு வருடம் ஆயிற்று இன்னும் எவன்...........................ன்னு தெரியலை....

போர்கால நடவடிக்கை என்று ஒரு வார்த்தையை அடிக்கடி தினத்தந்தியில் பார்த்து இருக்கலாம்... போர்ன்னு சொன்னா ... பொதுவா தமி்ழ்நாட்டுகாரனக்கு என்னன்னு தெரியும்?.... அந்த வலி , இடப்பெயர்வு,எதுவும் அவனுக்கு தெரியாது...

போர்கால நடவடிக்கை என்றால்... முடியாது என்ற வார்த்தையை சொல்லவே கூடாது... கட்டாற்று வெள்ளம் கரை புரண்டு ஓடும் போது அதில் மிதவை பாலம் அமைத்து... பொதுமக்களை பாதுகாப்பான இடத்திற்க்கு அழைத்து செல்ல வேண்டும்...போர்நடக்கும் இடத்திற்க்கு மருந்து மற்றும் உணவுபொருட்கள் எந்த தடை வந்தாலும் எடுத்து செல்ல வேண்டும்.. இல்லையென்றால் போரில் தோற்க்க வேண்டி வரும்...

அதாவது விரைவாய் செயலாற்றுவதற்க்கு போர்கால நடவடிக்கை என்று சொல்லுவார்கள்... ஆனால் தமிழகத்தில் அந்த வார்த்தையை எல்லா இடத்திலும் சர்வசாதாரணமாக பயண்படுத்த ஆரம்பித்து விட்டார்கள்...
இன்னும் கொஞ்சம்நாளில் போர்கால நடவடிக்கையில் இலவச டிவி கொடுப்போம் என்று சொன்னாலும் சொல்லுவார்கள்...

மழை முடிந்து நேற்றுதான் எல்லா இடங்களிலும்... பள்ளங்களில் மண்ணையும் கல்லையும் கொட்டிவிட்டு போனார்கள் அந்த புண்ணியவான்கள்....


நெடுஞ்சாலை துறை மற்றும் உள்ளாட்சி ஊழியர்களுக்கு,மழையில் களப்பணி ஆற்றாதவர்களுக்கு? எதற்கு போனஸ் லொட்டு லொசுக்கு எல்லாம்??? ஆனால் இதே கொட்டும் மழையில் களப்பணி ஆற்றியவர்களை நான் பார்த்தேன்... அந்த ஊழியர்களுக்கு என் நன்றிகள்..

ஏன் இங்கு சாலை பராமாரிப்பு என்பதே இல்லாமல் போய் விட்டது... அப்படியே பராமரித்தாலும் எல்லா வற்றிலும் லஞ்சபேய் தலைவிரித்து ஆடி...பொதுமக்கள் உயிரை எடுக்கின்றது..


நல்ல சாலைகள் மற்றும் குடிக்க குடிநீர் இதுதானே... ஒரு அரசிடம் பொதுமக்கள் வேண்டுவது..... அனால் இதை எந்த அரசும் சரியாய் செயல்ப டுத்தவில்லை என்பதுதான் உண்மை...

சரி நாமதான் இப்படி கஷ்டபடறோம் தலைவர்கள் வீட்டு பக்கம் எல்லாம் எப்படி இருக்கின்றது என்று பார்க்க போனேன்... கோபாலபுரத்து பக்கமும், போஸ்கார்டன் பக்கம் போய் பார்த்தேன் சாலைகளில் தண்ணீர் சிறிதளவுக்கு தேங்கி இருந்தததே தவிர.... சாலைகளில் பள்ளம் எங்கேயும் இல்லை....மிக நேர்த்தியாக இருந்தது...


(குறிப்பு) படங்கள் நெட்டில் சுட்டது.....

அன்புடன்
ஜாக்கிசேகர்
தமிழ் மணத்திலும் தமிலிஷ்லும் ஓட்டு போட மறவாதீர்கள்.... இந்த தளத்தின் சிறப்பான,உலகசினிமா,உள்ளுர் சினிமா, பார்த்தே தீர வேண்டிய படங்களையும், பார்க்க வேண்டிய படங்களையும், மற்றும் டைம்பாஸ் படங்களையும், சினிமா சுவாரஸ்யங்கள் தொடரையும்,மற்றவர்களுக்கு அறிமுகப்படுத்துங்கள்
நன்றி...